الدنيا ماتستاهل الواحد يتعكر مزاجه

السلام عليكم ورحمة الله وبركاتة

ابتسامتك في وجه أخيك صدقه


جميل الواحد يبتسم على هالصبح

ابتسمو ..... والله الدنيا ماتستاهل الواحد يتعكر مزاجه عشانها

اذا الدعوه خسارة اسهم وفلوس ولايهمك بتتعوض ان شاء الله

المشكلة خسارة العمر اللي يروح هم وغم

وبالاخير انت وانا والغني والفقير والهوامير والشيوخ والملوك تحت الارض

يعني نفس المكان لكل العالم

************************************************** ************************************************** **********

فقير ...... وعندي المال الكثير.......

فقير ..... وملبسي غالي حرير.....

وياصاحبي ... الحافي ... الفقير.......

ابنشدك ... ابسألك ... وشهو الحصير......؟؟!!!

وابسالك ... وشلون انا آمر وانهي......

والى حكيت ... قبل انتهي من كلمتي.......

يقال لي سم ويصير......؟؟؟!!!

والى شكيت من غفلتي طول زمنها.......

يقال لي ... لاتشتكي ... ماخلقت الشكوى لأمير......

وابسألك ... وشلون انا مع كل هذا اقول عن نفسي فقير......

ياصاحبي .... لاصار للضحكة ثمن.....

وصاروا اصحابي كثير .... بس بثمن.....

والوفا ... مافي وفا ... الا بثمن.....

ابسألك ماني فقير.....

ولاصارت اقوال حكم.......

ولاقالها غيري غدت .... حكي قديم......

ابسألك ماني فقير.....

ولاصرت انا مانيب انا.....

واذا غلطت ... قالوا صحيح......

وكل شي اعمله ... يصبح عظيم......

ابسألك ماني فقير.....

وياصاحبي ابنشدك......

لامن جفتني دنيتي.....

وابتدأ الدرب الطويل ... اللي ابد ماينتهي....

وانتهى العز القديم .... وماكنت اظنه ينتهي....

والموت بدد فرحتي .... وحطوني في قبر صغير....

وحزنوا علي ... وبكوا هلي .... وناس من ربعي قليل .... وارتاح من وجهي كثير....

وبقيت وحدي بحيرتي ... مابه احد....!!!

لاطال عمرك ....!!! ولا تحت امرك....!!!!

ماغير انا .. وخوف .. ولحد .. وحساب قدامي عسير.....

وقتها ذكرت اني من زمان .... يومنه امهلني الزمان.....

هذا ظلمت ... وهذا جرحت .... ياما كذبت....

وذنوبي ماتحصى كثير....

وقتها الى ندمت ... ونفسي كرهت ....

عرفت ان الله كبير.... وان الهلاك اصبح اكيد....

واني انا مالي رجا .... ولا هروب من الدجى.....

الا بامل عندي وحيد.....

ان الله غفار ورحيم.....

ابسألك .... ياصاحبي .... عني انا في وقتها....

ماني فقير........!!!!!!!


وسلامتكم

تحياتي للجميع